Morgonfuglen vil ha eit ord...

Eg føler meg usedvanleg vaken i dag, heilt utruleg for å vere heilt nøyaktig! Eg ville eigentleg trudd at ei Sigrun som står opp klokka halv 7 kvar dag ikkje var vaken etter klokka åtte på kvelden, men det ser ut som at eg hadde feil...

Det er litt lenger arbeidsdager på texaco enn i kyrkja, fra halv åtte til fem i staden for halv elleve til fem... Men, meir jobbing betyr meir penger, det er heilt flott, så eg ska ikkje klage!

Etter i dag og i går føler eg at eg er klar for å starte storkiosk. Varebestillingane var det nemleg eg som måtte ta meg av, det resulterte i 15 bokser is, 14 kasser brus i går og 13 i dag, 40 liter lettmjølk, 20 l. h-mjølk, x antal juice og sjokolademjølkkartonger osv. I morgo er vekas siste bestillingsdag, da e d kinakål, tomater og kylling som står på lista. Visste du forresten at til motorsag ska du blande inn olje i bensinen, det skal vere 2% olje (som det skal stå 2-takt på). Lærer noko nytt kvar dag. 2% tilsvarer forresten 2 dl. viss du har ei 10 literskanne. Men, da spør du deg sikkert om korleis ein kan finne ut kor mykje olje ein har helt oppi. Ikkje noko problem, det er målestreker på sida av oljekanna, sånn at du lett kan finne ut kor mykje du har helt opp :D

Som du sikkert forstår har det vore ein lærerik dag på jobb. Då eg kom heim skulle eg lage mat. Då trengde eg mjølk og ost, gjett kven som ikkje hadde tenkt på det, og som ikkje hadde nokon av delane? Nettop. Redninga blei frysen, der eg finn det meste - alltid. Får eg by på litt pizza steikt i steinomn?

Fekk beskjed då eg reiste frå Grimstad at det hadde vore fint om eg ville klyppe plenen heime. Tenkte eg skulle gjere det i dag, men så ringte Solveig, og så var det ikkje meir bensin igjen. Eg gidder ikkje vere meir på bensinstasjonen enn nødvendig, og dropper derfor planane om plenklypping i dag, det kjem ein dag i morgo og!

Bildet blei ikkje så tydeleg, men sjå nøye, så klarer du kanskje å tyde det som står der. Ahh, det er flott å sjå på!

Eit glimt frå sommarferien: eg, Ellen Kristine og Ingvild på båttur utanfor Grimstad. Litt forblåste kanskje?

på'an igjen...

Jauda, så var årets sommerferie over, og den harde kvardagen har banka på døra. 3 veker med ferie var veldig nødvendig, men det er litt godt å komme tilbake til den gamle tralten igjen.


I løpet av 3 veker med ferie har vi hatt 4 dager med sol, dei blir hugsa med glede! Eg har strengt tatt ikkje gjort noko som helst i ferien, bortsett frå ein ting: TEORIEN ER BESTÅTT!! Var heilt overbevist om at det kom til å gå totalt i dass med stryk osv, men klarte meg heilt fint. 11. juli er ein merkedag, folkens! Må vel kanskje innrømme at eg er ein smule stolt over at eg hadde ein feil mindre enn den o store klisterhjernen Ingebjørg :D


På hytta (Eskedal) har vi ein gammal steinbakerovn (ein sånn som du varmer opp med å ha bål inni ovnen til steinane e kvite, og så tar ut av gløra og så steiker). I den har vi baka myyyykje godt i sommer, eg må innrømme at eg følte meg som ein storbakar dei dagane eg har prestert å steike 9 heimelaga pizzaer i tillegg til boller og brød i ovnen. Gama!


Dei nesten siste dagane av ferien var eg leder på leir. Havglimt er ein genial leirplass, ligg på ei øy mellom Lillesand og Kristiansand, og eg må ha i alle fall ein tur til Havglimt kvart år for at det skal bli sommer. På leiren eg var på var deltakarane mellom 1. og 4. klasse, og dei fleste av ledarane var litt for unge synes eg. Men, litt moro var det, eg blei kalt for "dama" av noen av guttane. Så - nå veit alle det: eg er ei dame:P


Då eg kom heim i natt (Ja vi elsker Setesdalsekspressen som legger opp bussane sånn at dei er i Bykle ca klokka 24.00 når eg skal vere på jobb klokka halv åtte neste dag) fann eg etter kvart posten. Der var enda ei bekrefting på at eg er "voksen". Eg har nemleg fått valgkort, som sier at eg kan stemme! Eg, mamma og pappa... ja ja:D


Ein siste ting før eg gir meg for dagen: Då eg såg på gradestokken i dag rundt klokka 7 var det 5 - FEM! grader ute. mmmmm, vi snakker slutten av juli, og det er oktober/november-temperaturer!!! Eg er ikkje heilt sikker på om eg er heilt overlykkeleg... For alle interesserte kan dere stikke innom yx Bykle dei neste tre vekane, denne veka kvar dag mellom halv åtte og fem, og du kan møte ei frityrstinkande Sigrun.. Så var invitasjonen sendt....
NB: bilder kjem seinare!

Sommer, sol, Sørlandet!

Jaudå, det er sommerferie! Har faktisk hatt ferie i snart 6 timer, ei fantastisk kjensle! Men, ferien begynner ikkje heilt før i morgo. Då reiser vi til hytta for å føre eit ordentleg slaraffenliv for ei stakkar stund. Kvelden i kveld har blitt brukt til å pakke det eg ikkje fekk sendt med pappa, og til å vatne blomar. O fryd, eg med dei grøne (les brune) fingrane mine veit ikkje kva godt eg kan gjere for alle dei grusomt tørre potteplantane her heime (not).
I dag var eg forresten på gudsteneste, og det var ikkje berre ei gudsteneste, den var i den gamle kyrkja. Første gang sida den nye kyrkja var ferdig i 2004 (OK, eg skal ikkje begynne omvisning for dere!).
For nokre dagar sidan fekk eg forresten ein privat orgelkonsert. Det kom ein ganske ung mann inn på jobb og ville prøve orgelet. Det var heilt greitt, og han spelte nokre melodiar. Etterpå forflytta han og kona seg ned til den nye kyrkja. Der fekk han ikkje spele, noko som førte til at han kom opp til meg med det mest tiggande blikket eg har vore ute for på ei god stund, og spudre om han kunne vere så snill å få lov til å spele på det nye orgelet. Eg digger som (kanskje) kjend orgelmusikk så det gjorde ikkje meg så mykje å overlate alt av arbeid til Ragnhild og vere med ned i den nye kyrkja for å låse opp og passe på medan han spelte. Tanken var at han kanskje skulle spele 2 melodiar, men det meinte tydlegvis ikkje han, som hadde ein stor bærepose med notar. Jaudå, eg blei sittande der i ein time og høyre på. Det var berre heilt fantastisk! Det viste seg at gubben studerte orgelmusikk og visste kva han gjorde!
Men, ellers har det ikkje skjedd noko nevneverdig. Herved legg eg bloggen min brakk for ein periode på nokre veker, får heller komme sterkare tilbake etter ferien. Mi talast (tytast)!

What to say?

Eg har gjort meg nokre erfaringar i det siste. Kan eigentleg bare hoppe uti det med ei gong: Bilteori er noko av det mest søvndyssande eg har vore borti. Eg er stygt redd for at den første prøva kjem til å ende som ein fiasko (les: stryk).
NRK er ganske monarkivenlege. Dronning Sonja har som heilt sikkert alle har fåt med seg bursdag, og har vore på Sørlandet i dag. Sjølvsagt med stoooor dekning på NRK Sørlandet.
Så - over til noko positivt: Eg har tre dagar igjen på jobb, så er det sommerferie! Har begynt å pakke, papsen og Ingvild reiser til Grimstad med nesten alle kleda mine i morgo. På søndag kjem mamma og Olav Magnus heim frå pilegrimsferd til Røldal. Før dei er heime igjen må huset vere heilt rydda, og romet til O. Ma ferdig måla. Gjett kven som må trø til?
Og så: Kjære Solgunn (viss du les dette). På laurdag flaug eg over vår felles kommunegrense Blåsjø. Tenkte på deg då, sjølv om du antakeleg ikkje er heime...
Til slutt i dag har eg nokre bilete som de skal få nyte, nemleg familiebilen. Sjå og nyt:
Denne kjære kjerra er ei kasse med symaskinmotor. Veldig vakker:P Det hjelper ikkje nemneverdig at viftereima er så laus at bilen hyler uansett korleis ein køyrer. Utsjånaden blei pynta på først med at Ragnhild klarte å dra ei stylte langs sida, mamma køyrde litt for nerme ein bom, og til slutt at treet i Kr. sand ikkje klarte å flytte seg då mamma skulle rygge... Det offisielle namnet er "Bulk og hyl", eit namn som seier ganske mykje om personligheten (bileligheten) til kjerra... Trur dette er ein potensiell russebil til våren (viss den fortsatt vil starte da..), treng berre litt raud beis...



Aaahhhhhh, vakkert, ikkje sant??

Har nettop funne ut at eg er veldig klar for sommerferie, sjølv om det betyr Grimstad og ei enda mindre sosial Sigrun! Sidan eg fekk sommarferie har eg hatt 3 dagar heilt fri, den første helga og ein måndag. Kjenner nå at det tærer på kreftene mine, som var ganske usynlege frå før. Resultatet er at alle som kjem i min veg (i alle fall søsken) blir kjefta ut etter noter. Det hjelper kanskje ikkje at mine to søstre er like slitne dei og, og kjefter tilbake. Konklusjonen er i alle fall at eg synest veldig synd på mamma og pappa, som ikkje berre er offer for å bli kjefta ut, men som og må høyre på all kjeftinga oss søstre mellom! 5 dagar til på jobb no, så er det FRI i 3 veker! Skal bli godt! Over: Fiskaren Olav Magnus i fjor (kanskje ingen størrelse å skryte av, men). Under: Ingvild den svømmande (fisken?).



Dei siste dagane har det regna ganske kraftig her heime, det er ikkje heilt bikiniver her for å si det sånn! Kalenderen seier at det er starten av juli nå, men med under 10 grader på morgonen og kvelden skulle ein ikkje tru det.

Eg veit ikkje eigentleg om så mykje å skrive i dag, kanskje bortsett frå at eg begynner å bli ein kløpper i kortspela spøkelse, idiot og below 15 (det er nemleg det det går i for tida på jobb, ikkje så mykje turister å skryte av i alle fall!)...

Akkurat no ser eg forresten noko eg ikkje har sett på godt over ei veke: ein flekk med blå himmel! O fryd, eg må vel kanskje ut og nyte synet!

Home again!

Jaudå, då var eg heime att etter nesten ei veke i Skottland. Turen er over (godt er det!), og arbeidskvardagen har begynt igjen (ikkje fullt så bra...). Turen starta så bra med å stå opp klokka 6 og køyre (mini)buss heile den laaaange vegen til Torp. Køyrde gjennom Vest-Telemark, fytti å vondt eg fekk i magen da!! Vil tilbake til Kvitsund og treffe igjen alle folka! Men men, det var ikkje det eg skulle skrive om nå. Vi kom oss til Torp og fekk sjekka inn bagasjen før vi gjekk totalt amok i tax-freebutikken. Det vil si, ikkje eg. Dakar vesle Sigrun holdt på å besvime av mangel på vatn (og overoppheting). Ikkje bra. Alt blei mykje betre på flyet, som tydlegvis ikkje var varma opp. Trur Ryanair prøver å spare penger!

Vi kom oss faktisk heilt til Glasgow før noen av dei voksne i korpset begynte å bli litt på ein snurr. Trur dei hadde det gøy på bussen, like gøy var det ikkje for oss andre som sat og høyrde på fyllesnakket! Vi budde på ungdomshostel i Stirling, ein liten by der det yngste huset sikkert blei bygd på 1400-talet. Det einaste guiden snakka om var i alle fall dei store og små steinhusa på kvar side av vegen som var bygd på 1300-talet. Vi såg til høgre og venstre heile tida, ikkje langt frå kink i nakken der, for å si det sånn!

Maten der vi budde minna ganske mykje om maten på Kvitsund, den var veldig fett!! Eit ganske stort problem var at vi ikkje tok på mat sjølv, og fekk derfor verdens største porsjoner!! Dagane kan lett oppsummerast sånn: tidleg frukost, opp og skifte til uniform, ut og spele, fri til handling på ettermiddagen, middag, dei voksne gjekk på pub (bortsett frå 2-3 voksne reiseledere som satt igjen med drittungane på hostellet:P). Ein dag var vi til Edinburgh (som skal uttalast Edinbårråw fekk vi vite av guiden som lo av folk som sier det anderledes). Ein veldig fin by!

Jauda, på fredagen var vi med på ein festival i Bo'ness som det einaste norske korpset. Var med i ei laaaang parade. Trur vi var nummer 25 i rekka og det var innslag bak oss! Det kulaste med den paraden var alle sekkepipe"korspa". Digger sekkepipe har eg funne ut (kanskje ikkje på CD, men kult i levande live). Det var sikkert 10 sekkepipe"korps" der med menn i kilt. RÅTT!!!! Denne fantastiske paraden var på 3,5 km. Eg har funne ut noko: Det er greitt å gå 3,5 km. Det er greitt å marsjere. Det er greitt å spele trombone. Kombinerer du desse tre tinga i lag med nesten bare oppoverbakker får du eit resultat som ikkje er fullt så greitt!! Han som gjekk fremst til venstre (for dei uinnvigde: han som bestemmer tempo for heile korpset) fekk noko som nesten kan kallast eit astma-anfall og hoppa ut av korpset etter kvart. Kven måtte då ta over plassen?? Jo, akkurat: Sigrun. Veit ikkje heilt korleis det gjekk, men fekk i alle fall ikkje klager etterpå!

I forgårs (laurdag) reiste vi heim att. Starta litt før klokka 9 frå Stirling, og var heime i Bykle litt over klokka 10 på kvelden. Det betyr ca 13,5 timer med reising!! For å si det sånn så var eg glad då vi kom heim!!

Og så, i går klokka halv 11 var eg på plass i kyrkja for å ta imot turistar. *pes*

Eg fann meg skottar med kilt og sekkepipe, nokre av dei var kanskje litt unge...

Og nokre var kanskje litt gamle! Enden på visa var i alle fall at eg ikkje fekk med meg ein skotte heim *snufs*.
Underholdning siste kvelden: Anne Liv og Sigrun.. Ganske tragisk!!